علق عمرو وهبي الذى كان مرشح لتولى لجنة التعاقدات فى الزمالك على أزمة سحب أرض النادي فى 6 اكتوبر.
وعبر صفحتة الشخصية على موقع التواصل الاجتماعي فيس بوك كتب عمرو وهبي معلقاً،
الزمالك اتظلم بيده لابيد عمرو....
ارجوك ما تزعلش منّي يا زملكاوي...
أنا عارف إنك موجوع وغاضب بعد خبر سحب أرض النادي في أكتوبر، اللي كنت شايف فيها طوق النجاة من الأزمة.
بس صدقني، الغلط مش في القرار... الغلط من الأول كان عندنا.
الأمر كان واضح جدًا، مش لأني بشوف المستقبل، لكن من تصريحات أعضاء مجلس الإدارة نفسهم، خصوصًا الرئيس ونائبه، اللي كانوا مقتنعين إن الأرض هي الحل الوحيد، وإن المشروع ده هيدرّ تدفقات نقدية توصل لـ ٧ مليارات جنيه!
بس مشروع بالحجم ده محتاج هيكل إداري وتنفيذي مستقل، فيه إدارات قانونية ومالية وهندسية، ومدير تنفيذي عنده رؤية اقتصادية وعلاقات قوية تفتح الأبواب.
لكن للأسف... الإدارة اكتفت بخبراتها المحدودة، دون تفرغ أو تخطيط، وبدل ما يكون عندنا جهاز تنفيذى بجد، بقينا قدام مجلس إدارة بيحلم أكتر ما بينفّذ.
النتيجة؟
آمال كبيرة اتحولت لـ سراب...
ولا ظلمنا حد من برّه،
لكن المجلس هو اللي ظلمنا كلنا.
