رد رامي نصوحى عضو مجلس إدارة نادي الزمالك على تصريحات السيد عمرو وهبي الذى كان مرشح لتولى منصب لجنة التعاقدات فى الزمالك من قبل.
التصريحات التى انتقد فيها مجلس الإدارة، حرص عضو المجلس التعليق عليها.
وعبر صفحتة الشخصية على موقع التواصل الاجتماعي فيس بوك كتب عضو مجلس إدارة النادي رداً على عمرو وهبي قائلا،
استاذ عمرو احنا كلامنا من قبل الانتخابات ان احنا هنزود موارد النادي. طيب ايه هي موارد النادي؟
الرعاية والبث والفروع التانية وده مصدر لأي نادي في مصر مش نادي الزمالك بس. طيب احنا عملنا ايه؟
الرعاية زادت 400 المية وتقريبًا أول مرة من سنين كبير يبقى عندنا هذا الحجم من الرعاية. البث العقد الجديد بناخد نفس رقم المنافس والفرع التاني اللي بقى له 30 سنة محدش بني فيه طوبة ده المجلس الوحيد اللي بيشتغل فيه فعليًا بل بالعكس عامل حاجة مكانش موجودة في أي نادي في مصر علشان تجيب أكبر مكسب ممكن وهي الجزء الاستثماري واللي مسؤول عن المشروع أكتوبر مهندس محمود الجمال، المهندس طارق يوسف، المهندس هشام نصر. متهيألي مفيش حد في مصر كلها أحسن من الناس دي في الحتة دي. الكلام وحضرتك قاعد على البحر في الجونة حاجة والكلام على الواقع حاجة تانية خالص. المجلس اللي حضرتك بتتكلم عليه ده هو اللي سدد
ديون $8,000,000 للفيفا بس دفع مستحقات اللاعبين لمدة سنة ونص في كل الألعاب، دفع 200,000,000 جنيه للاتحادات التانية.
سؤال لحضرتك هي الناس دي جابت الفلوس دي منين ولما استلموا النادي كان النادي صفر ماليًا ورياضيا. عند حضرتك أي فكرة أو أي دخل أو أي حاجة احنا مش عارفينها حضرتك تقريبًا معاك تلفوناتنا ممكن تكلمنا أو تجيلنا النادي بس جو البوستات ده اسمه تنظير وكلام في الفاضي تحياتي.
