علق المستشار محمد عطية عضو اللجنة السابقة التى كانت تدير النادى على المشهد داخل نادى الزمالك، تحديداً المشهد الفنى.
وعبر صفحته الشخصية على موقع التواصل الاجتماعى فيس بوك كتب المستشار محمد عطية قائلاً :
الحقيقة من السخف بحال أن تُعزى نتائج الفريق الأول فقط للأزمة المالية .. الأزمة المالية كانت موجودة واحنا متقدمين على وادى دجلة والجونة والأهلى .. وبيتم الرجوع عليك فى النتيجة فى منتصف الشوط التانى فى الأزمة المالية محصلتش فى الدقيقة ٧٠ مثلاً ..
الحقيقة إنك بنيت اسكواد غلط وجبت مدرب محدود القدرات الفنية ومنعدم القدرات الحوارية .. الحقيقة إن المعادلة الأمنة هى لعيبة كويسة ومدير فنى كويس تجربة ديڤ مكاى وكابرال) .. ولو قدراتك ما تسمحش لأى سبب وقررت تخاطر يبقى ممكن لعيبة متوسطة مع مدير فنى كبير ومتميز (تجربة فيريرا فى المرتين) ..
أو لعيبة ممتازة مع مدرب قليل (تجربة فينجادا وفيرنر) .. لكن تجربة لعيبة متوسطة أو أقل مع مدير فنى ضعيف دى مش مُخاطرة ده انتحار .. لإن ببساطة ماتشات اللعيبة مش هتقدر تشيل الفريق واوقات المدرب مش هيلحق اللاعيبة ويساعدهم ..
ومهما كانت المُبررات استمرار المُدرب ده بفنياته وتصريحاته هو تدمير لموسم فريق الكرة
