علق رحاب أبورجيلة عضو مجلس ادارة الزمالك السابق على المشهد الحزين داخل أروقة نادى الزمالك.
وعبر صفحته الشخصية على موقع التواصل الاجتماعى فيس بوك كتب رحاب أبورجيلة قائلاً :
لما يبقي نادى الزمالك احد اقطاب الرياضه فى مصر وكره القدم خاصه معندوش حلول للصرف على فرقه كره القدم غير عن طريق ارض ٦ اكتوبر سواء عضويات او استثمار.
لما يبقي النادى الاهلى لحد سنتين او تلاته ميزانيه كره القدم خسرانه وكان اعتماده برضه على الجزء الاجتماعى لتمويل نشاط كره القدم على فكره ده كلام كان مثبت فى ميزانيه النادى الاهلى وابتداء من سنتين بدء يحقق ارباح بعد المشاركات فى كأس العالم وبيع لاعبيه بارقام كبيره ولما تبقي كل الانديه الشعبيه بتعانى من خسائر فادحه فى نشاط كره القدم.
طب امتى وزاره الشباب واتحاد الكره هيهتم بايجاد حلول تسوقيه لنشاط كره القدم امتى الناس هتهتم باهم حاجه فى النشاط ده حتى متى هيفضل الدورى بتاعنا مستواه كده يا جماعه.
والله كل الدول العربيه سبقتنا مفيش رياضه ولا تنافسيه من غير تسويق وايرادات على الاقل تغطى المصاريف وهيفضل الدورى بتاعنا اللى كان الرائد فى المنطقه كلها بقي دورى ماسخ لا روح ولا طعم
