خرج علينا مذيع قناة النادى الاهلى، فى برنامجه على الراديو صباحاً منتقداً اعلان نادى الاتحاد السكندرى مكافآت استثنائية لفريقهم في حال تحقيق نتيجة إيجابية أمام الأهلى.
ويلتقى الأهلى والاتحاد السكندرى يوم الاربعاء القادم، وعادى يعنى خرجت ادارة الاتحاد وأعلنت عن مكافآت استثنائية لو الفريق حقق نتيجة إيجابية، مفيهاش حاجة يعنى.
ليخرج علينا مذيع قناة الاهلى منتقداً القرار مؤكداً أنه من غير المنطقي أن يخصص نادي الاتحاد السكندري مكافآت استثنائية للاعبيه في مباراة واحدة فقط.
وواصل : ومش عارف ايه اللى مضايقة الحقيقة : مبدأ التحفيز يجب أن يُطبق على جميع المباريات بشكل متساوي، لأن كل مواجهة في الدوري تساوي ثلاث نقاط ولا تقل أهمية عن الأخرى.
وواصل : النادي السكندرى قرر رصد مكافأة استثنائية قدرها 5500 جنيه لكل لاعب في حالة الفوز على الأهلي يوم الأربعاء المقبل بالدوري، وده شيء كويس من حيث المبدأ، لكن محتاجين نفكر فيه بشكل أوسع.
لكن سؤالي هنا بسيط.. ليه المكافأة الاستثنائية دي تكون لمباراة الأهلي بس؟ مش كل الماتشات في الدوري بثلاث نقاط برضه؟.. والتحفيز الحقيقي يجب أن يكون ومستمر.
واستكمل حديثه عن الموضوع اللى هو مش موضوع أصلاً : لو الهدف إنك تشجع اللعيبة اعمل نظام مكافآت عادل، زي مثلاً مكافأة خاصة لو الفريق كسب ثلاث مباريات متتالية، ساعتها التحفيز هيكون منطقي ويخلق روح تنافس حقيقية داخل الفريق.
وأتم : التحفيز لازم يكون في كل المباريات مش في لقاءات معينة، لأن الدوري صعب جداً، وكل الفرق بتنافس سواء على القمة أو للهروب من الهبوط، وأي فقدان نقاط ممكن يسبب مشاكل كبيرة للفريق.
