وجه الفنان أحمد فهمي اعتذار إلى محمود عبد الرازق شيكابالا لاعب نادي الزمالك السابق بعد مرور أكثر من خمس سنوات على الأزمة التي نشبت بينهما.
وأكد فهمي في تصريحات تلفزيونية أن الخلاف انتهى تماماً وأن العلاقة بينهما عادت إلى الود والاحترام المتبادل.
وقال أحمد فهمي : خلافي أنا وشيكابالا بيكشف قد إيه إحنا الاتنين على نياتنا، ولو حد فينا كان عنده خبث أو نية سيئة، كان ممكن يكبر الموضوع، لكن الصراحة أنا بحبه جداً وهو من أقرب الناس ليا وصاحب عمر وأكلنا عيش وملح سوا.
وأضاف : الكرة فيها دايماً اختلافات وده طبيعي ويمكن الموقف مكنش موزون مني قبل ما يكون منه، خصوصاً لما اتنقل الكلام للسوشيال ميديا، لكن شيكابالا قلبه أبيض، وإحنا إخوات في النهاية زيه زي جمهور الزمالك، وجمهور الأهلي والزمالك إخوات في الأساس.
وأتم : لو في أي حاجة ضايقته مني بشكل شخصي، فحقه عليا، ومش مستني منه اعتذار خالص لأن اللي بينا أكبر من أي خلاف.
