علق المحلل الرياضى محمد ناصف على قائمة الزمالك المعلنة لمباراة ديكيداها الصومالي غداً الجمعة.
هذه المباراة المقررة في إياب دور الـ32 من بطولة كأس الكونفدرالية الإفريقية، والمقرر إقامتها في السادسة مساء غداً الجمعة على ستاد السلام.
وعبر صفحته الشخصية على موقع التواصل الاجتماعى فيس بوك كتب محمد ناصف معلقاً :
الواحد زعلان والله اننا بنضيع وقت مع فيريرا ... الاسكواد دا يقدر ينافس على كل البطولات لكن مش بمدير فني زي فيريرا ... تفكيره بعيد تماما عن الواقعية وادارته الفنية اقل من طموح الجماهير ومن طموح الزمالك تاريخيًا.
مباراة بكرة مباراة تجريبية سهلة جدًا مفهاش اي ضغوط محتاج نجرب فيها اللاعيبة وندخلهم مع الفرقة عشان داخلين على ماتشات مهمة في الدوري امام البنك الاهلي وطلائع الجيش قبل السوبر المصري اللي هنبدأ مبارياته يوم 8/11 امام بيراميدز ولو كسبنا بنسبة 99% هنقابل الاهلي.
نفسي افهم ازاي مباراة زي دي ميدخلش فيها لاعيبة مركز 6 وازاي ربيع وجهاد مستبعدين وشحاتة نفسه جاهز وكان يقدر ياخد ربع ساعة حتى في المباراة عشان يرجع تدريجيا مستني مباريات ايه تاني اسهل من كدا تجهز فيها لاعيبتك قبل المباريات الصعبة اللي داخلة علينا بداية من 30/10 القادم.
مباراة افريقية امام فريق سهل انت كسبت الذهاب 6 يعني العودة كان لازم يتم فيها تجهيز كل اللاعيبة البعيدة خلال الفترة اللي فاتت.
نفسي نخلص من فيريرا قبل السوبر المصري لاني معنديش ثقة فيه تماما من بعد مباريات الجونة والمحلة والاهلي.
