أطلق عصام الحضري حارس مرمى الأهلي ومنتخب مصر السابق تصريحات نارية بشأن الأوضاع داخل الأهلى.
الأوضاع المتفجرة داخل غرفة الملابس، مهما حاولت اللجان إخفاء ما يحدث، علق عليها عصام الحضرى.
وأكد الحضرى على وجود حالة من التوتر والمشاكل بين اللاعبين قائلاً : "أوضة اللبس في الأهلي مولعة" بسبب غياب الانضباط وتفاوت العقود المالية داخل الفريق.
وقال الحضري : الأهلي دلوقتي فيه نجوم كتير جداً ودا عامل أزمة داخل غرفة الملابس، لأن كل لاعب شايف نفسه الأحق ودا محتاج مدير فني ومدير كرة عندهم شخصية قوية وقدرة على السيطرة على كل العناصر.
وأضاف : الأهلي عنده مشكلة حقيقية واللي يقول غير كده بيكدب ولازم يكون فيه حزم ووضوح، لأن اللي بيحصل جوه الفريق مش طبيعي خالص.
واستكمل : في جيلي أكتر واحد فينا كان بياخد مليون جنيه والنهارده في لاعيبة مش عاجبها 40 مليون! فيه لاعيبة كانت متفقة على 15 و20 مليون، وفجأة بياخدوا 40 علشان محدش يعمل مشاكل، وبرضو مش راضيين.
وعن إمام عاشور قال الحضرى، إمام عاشور لسه معملش مشاكل لحد دلوقتى، لكن أتوقع أنه سيفتعل الأزمات .. دي شخصيته.
وعن زيزو قال : لا أرحب بهذه الصفقة وزيزو مش هيضيف للأهلي دلوقتي، ويمكن بعدين يكون ليه تأثير، لكن حالياً الصفقة مش هتنجح.
