شن تامر عبد الحميد لاعب الزمالك السابق هجوم جديد على ادارة النادي بسبب عقد جون ادوارد المدير الرياضي.
وكتب تامر عبد الحميد من خلال حسابه على موقع التواصل الاجتماعي فيسبوك قائلا:
الزمالك في عهدكم بقى دَبِيحة!
ده إحنا لو جِبنا حد من إدارة الأهلي يدير لنا النادي، هيصعب عليه تاريخنا وما يعملش فينا كده!
عاملين شرط جزائي اتنين مليون دولار لسمسار جايبينه ، ومسلّمينه فرقة الكورة اللي هي تاريخنا كله "تسليم أهالي"!
مدّينه كل الصلاحيات اللي خلت الراجل راكبك، وما تقدرش حتى تعدّل في الجهاز إلا بموافقته!
عملتوا أغلى ميركاتو في الدوري ( ٧.٤ مليون يورو)... وجايبين لنا صفقات وسط الجدول، وجهاز معاون بعض أعضاؤه وكلاء للاعيبة عندك! ومدير فني علي الله حكايته وبتقولوا للناس المنظومة دي مكملة غصب عنكم...
ليه بتعملوا كده في الزمالك؟ ليه بتغرقوا النادي أكتر؟
وأنا بقولها لجمهور الزمالك:
أنتم طول عمركم درع النادي وسيفه، أنتم الطرف الوحيد الطاهر في منظومة الكيان الملوّثة دي.
خلي بالكوا من الزمالك... لأن في تاريخه ماجاش حد بيبيع في النادي حِتّة حِتّة زي المجموعة دي،
واللي مفروضين علينا باتفاق مش بإرادتنا!
