علق الاعلامي مينا ماهر المذيع في قناة نادي الزمالك على قرار اتحاد الكرة اليوم الرسمي بإيقاف نبيل عماد دونجا لاعب الزمالك عن بطولة السوبر المصري.
وأعلن اتحاد الكرة رسميا غياب دونجا عن السوبر المصري وفقا لأحداث بطولة السوبر الماضية لحسم الجدل حول مصير اللاعب
مينا ماهر من خلال تصريحات تليفزيونية تحدث قائلا: الزمالك أرسل 55 اسم لبعثة الزمالك في الإمارات و تم الموافقة على جميع اسماء البعثة اللي فيهم نبيل عماد دونجا!
وتابع: ازاي تيجي دلوقتي تغير القرار هل عشان كام برنامج اتكلم! و من الأساس مفيش اختار رسمي بإيقاف دونجا أو شلبي أو عبد الواحد السيد، هو عشان الموضوع طلع ترند آخر كام ساعة نقول قرار ملوش اساس!
وواصل: لية تم الموافقة على البعثة بما فيهم اسم نبيل دونجا.. مفيش حاجة تمشي بالسوشيال ميديا و الضغط.
واستكمل مينا ماهر تصريحاته: هو اللي بيحصل ده بيحصل في اي مكان في العالم تقول انك بعت العقوبة على ايميل إداري في الزمالك و دلوقتي شغال في السعودية!
يا جماعة احنا في 2025 ولسة بنتكلم في موضوع الايميل و مخاطبة الأندية بشكل رسمي!
مختتما: عشوائية غريبة متعودين عليها و نفسنا نخلص منها و نفسنا نخلص من القصص دي، مش مشكلتي اللاعب يتوقف أو لا المشكلة الأكبر ان مفيش نظام و عشوائية كالعادة
