أثار رامى نصوحي عضو مجلس إدارة نادي الزمالك الجدل بعد تصريحاته التي قال فيها إن جماهير الزمالك اعتادت خلال السنوات الماضية على علاقة متوترة مع رئيس النادي الأسبق مرتضى منصور.
وأشار فى تصريحاته إلى أن العلاقة بين الطرفين كانت تتضمن تبادل الإهانات، وهو ما وصفه بالوضع الذي تعود عليه المشجعون.
وعقب انتشار التغريدة، رد أحد الجماهير على ما قاله عضو المجلس، مؤكدًا أن حديثه غير دقيق ليعلق عضو المجلس :
أنا بقول الحقيقة، وإحنا بنهرب من الحقيقة"، في إصرار منه على موقفه رغم موجة الانتقادات التي لاحقته على مواقع التواصل.
والتغريدات جاءت على النحو الاتى :
الناس اتعودت على كده يا أحمد في الـ 20 سنة اللي فاتت هي دي العلاقة إن الجمهور يشتم رئيس النادي، في رئيس النادي يشتم الجمهور ويرفع لهم الجزمة. بعد كده الموضوع بيتطور فـ يشبسب الناس بعد كده يتطور أكتر.
فبقيت الناس هي دي العلاقة فـ الناس اتعودت على كده.
وده العادي وهي دي الحرية.
هو ايه اللي في كلامي غلط أنا مش فاهم، أنا بقول الحقيقة وهي دي الحقيقة.
هو مش ده حصل ولا ما حصلش.
احنا ليه بنهرب من الحقيقة؟
وتبقى كلمة : الحقيقة مجلس ادارة الزمالك الحالى بكل ما فيه فقد أى نوع من انواع الحنكة فى الادارة أو الرد أو شيء، مجلس الامور بقت صعبة معاه، واللى يزعل يزعل.. ويبقى الجمهور هو السند الحقيقة للنادى.
