اللى بيحصل فى المنظومة جعل حتى المحسوبين على الاهلى ينفجرون من هول ما يحدث من عك وقرف فى المنظومة الكروية.
انتقد الناقد الرياضى خالد طلعت المحسوب على الاهلى فكرة مجاملة المنظومة الرياضية للنادى الاهلى.
الاهلى اللى 60% من بطولاته من الأساس بالتحكيم والمجاملات، تتم مجاملة لاعبيه بإختيارات وهمية، منها مثلاً اختيار هدف جراديشار فى مرمى بتروجيت هدف الجولة، ليعلق خالد طلعت على هذا الأمر.
وعبر صفحته الشخصية على موقع التواصل الاجتماعى فيس بوك كتب خالد طلعت منتقداً :
ده اسمه تهريج واستهبال وظلم وتدليس كمان ، هدف جراديشار هو فنيا أقل هدف من الأهداف الأربعة ، ولو سألنا جراديشار نفسه أو سألنا كابتن محمود الخطيب نفسه هيقولوا كده.
لكن ان دايما احط هدف للأهلي واسيب الاختيار لتصويت الجمهور يبقى لازم هدف الاهلي هيكسب في كل مرة
لازم الاختيار يبقى من قبل لجنة فنية فيها أعضاء بتفهم ومحترمين ومحايدين ، وممكن يبقى نسبة من النتيجة لتصويت الجمهور لكن النسبة الأكبر للجنة الفنية.
ده اللي بيحصل في الدوري الانجليزي وكل دول أوروبا ، وكمان بيحصل في الدوري السعودي وتشرفت بأني كنت عضو في اللجنة الفنية لرابطة الدوري السعودي لاختيار الفائزين في كل جولة وعشان كده الناس دي متقدمة عننا بكتير في الكورة
