استقرت إدارة الكرة بنادي الزمالك على تدعيم الجهاز الفني بقيادة أحمد عبد الرؤوف بعناصر أجنبية وذلك خلال تواجد بعثة الفريق في الإمارات لخوض بطولة كأس السوبر المصري.
ومن المقرر أن يشهد الجهاز الفني انضمام مدرب حراس مرمى أجنبي ومدرب أحمال أجنبي إلى الطاقم المعاون لعبد الرؤوف، في إطار خطة الإدارة لدعم الجهاز.
ويضم الجهاز الفني الحالي إلى جانب عبد الرؤوف، عامر صبري في منصب المدرب المساعد، على أن يتم الإعلان الرسمي عن أسماء العناصر الأجنبية الجديدة خلال الساعات وهم الآن يستعدون للحاق بالبعثة فى الامارات.
وتبقى كلمة واللى يزعل يزعل
هو يعني إيه نضم مدرب حراس ومدرب أحمال أجانب للجهاز الفني في الإمارات قبل ماتش السوبر بساعات؟
هيجوا يعملوا إيه في الوقت ده؟ نتعرف على بعض ولا نشتغل فعلاً؟
طيب، هل الجهاز ده هيستمر بعد السوبر ولا دي مجرد تجربة مؤقتة؟
ولو مكملين ليه ما تمش الإعلان رسمي؟
ولو مش مكملين، ليه نضيف عناصر أجنبية دلوقتي واحتمال نجيب مدير فني أجنبي كامل بعد أيام؟
ولا الخطة إننا نجيب مدرب بس ونفرض عليه جهاز معاون جاهز؟
كمان مدرب الأحمال ومدرب الحراس دول جايين بعقود رسمية فيها شرط جزائي ولا جايين محبة في النادي؟
بجد، عايزين حد مسئول يطلع يوضح... العشوائية دي بقت كتير أوي ومش مفهومة.. يا جماعة احنا فى عك إدارى كبيرة أوى.
