علق المحلل الرياضى محمد ناصف على شوط مباراة الزمالك الاول امام بيراميدز وهو الشوط الذى انتهى منذ قليل.
وعبر صفحته الشخصية على موقع التواصل الاجتماعى فيس بوك كتب محمد ناصف معلقاً :
هو كويس انك تقفل دفاعيا بشكل كويس وتقلل خطورة بيراميدز وقوته من على الاطراف ولكن الاعتماد على ناصر ماهر لوحده في عملية التحول فهنا انت فقدك وجودك الهجومي تماما لان التحول محتاج اكتر من لاعب عندهم رؤية ومحتاج كمان لاعب زي الجزيري سريع ويقدر يتحرك في المساحات بين المدافعين لان عمرو ناصر خطورته كلها جوا ال18 مش كمحطة للفريق
الزمالك محتاج عبدالله السعيد يساعد ناصر ماهر في عملية التحول في عمق الملعب وكان لازم التفكير بعد خروج عدي نزول عبدالله وترحيل شحاتة ناحية اليمين قدام عمر جابر طالما الهدف اغلاق جبهة محمد حمدي وكريم حافظ
هنحتاج الجزيري مكان عمرو ناصر بعد نزول شريف على الاقل هنقدر ناخد منه تحركات في المساحات اللي بين مدافعي بيراميدز
