علق عبد الواحد السيد مدير الكرة السابق فى نادى الزمالك على نشر مجلة الأهلي صورة له ولـ لاعبى الزمالك فى أزمة الإمارات الشهيرة.
حيث مجلة الاهلى واعلامه اعادو تداول الصورة الشهيرة لـ ثلاثى الزمالك عبد الواحد السيد ودونجا وشلبى، فى مشهد قمئ للإعلام، تعودنا عليه، ليعلق عبد الواحد السيد وهو أحد أطراف المشهد.
وأكد عبد الواحد السيد أنه لا يرى أي مشكلة في الصورة التي تم تداولها خلال أزمة الفريق في الإمارات الموسم الماضي.
وأوضح أن المشهد من الاساس كان نابع من تحمله المسؤولية تجاه لاعبي الفريق، وليس له أي أبعاد أخرى.
وقال عبد الواحد في تصريحات تلفزيونية : بالعكس أنا شايف اللي حصل فخر ليا، إني دخلت مكان لاعب وحميت فريقي، ومش فارق معايا موضوع الصورة أو نزولها، الحمد لله على كل حاجة، لأن ده جزء من واجبي ومسؤوليتي.
وأضاف : الأزمات أحياناً بتكون خير، لأنها بتفوقك وتخليك تراجع نفسك، وبتديك طاقة وقوة أكبر، وده اللي حصل معايا بالضبط في الموقف ده.
وبسؤال مذيع البرنامج حول حقيقة دخوله مكان أحد اللاعبين فى الازمة قال عبد الواحد السيد : آه، فعلاً دخلت مكان لاعب، بس مش هتكلم في تفاصيل، ومفيش أي مشكلة في اللي حصل.
