أثار الإعلامي عمرو أديب حالة من الجدل بعد ظهوره لأول مرة على الهواء مرتدي الجلابية الصعيدي خلال حلقة برنامجه التلفزيونى.
واعتبر عمرو اديب أنها ستكون فال خير للزمالك قبل مواجهة الأهلي غداً في نهائي كأس السوبر المصري.
وقال أديب في بداية الحلقة : الجلابية اليومين دول بقت تريند في مصر، وأنا فخور إني لابسها، دي جلابية فرعونية أصيلة، وأنا مستمتع جدًا وسعيد إننا بنرجع لهويتنا"
وأضاف مازحاً : تعبت من البنطلونات 30 سنة، النهارده حاسس بالحرية، وحاسس إن الجلابية دي وشها حلو على الزمالك.
وتابع : حاسس اللبس ده بيقول (زمالك.. زمالك)، والنهارده ريحة النصر مالية الجو، حتى نادي المليار ممكن يتغلب.
وأتم : انزلوا بجلابيب بيضاء بخطين حُمر، الجلابية دي فيها بركة، وإن شاء الله الحارس ما يدخلش فيه أهداف ونجيب جولين أو تلاتة.
