يعيش الزمالك مجموعة من الأزمات المالية، فى السنوات الاخيرة بسبب التخبط الادارى وعدم وجود تنظيم فى النادى ودى حقيقة بدون زعل تحديداً فى الـ 25 سنة الاخيرة.
أكبر ازمة تواجه الزمالك هى أزمة القيد وقضايا الزمالك فى الخارج مع لاعبين ومدربين سابقين، وقولنا اللى عايز يعمل جميل فى الزمالك لا يأتى بلاعبين أو مدربين، فقط يخلصنا من أزمة القيد.
هناك حل مقترح من الزمالك اليوم، ولو كنت مسئول الان لنفذته كما اشرحه لكم الان، وأعلم أنه قد يغضب البعض، لكن أحياناً المسئول يضطر لاتخاذ قرارات للمصلحة العامة، حتى وإن لم تنال رضا الجمهور.
أزمات الزمالك فى الفيفا تقدر بـ حوال 6 مليون دولار وفق مصدر فى النادى.
حسام عبد المجيد لدية عرض بحوالى 2 مليون و200 الف دولار، وكدا كدا مش عالرفين نجدد له، وهو عايز يمشى، نبيعه فى يناير فوراً.
هناك لاعب أخر سيصل له عرض بـ حوالى 2 مليون دولار أيضاً "ومش خوان ألفينا علشان محدش يفهم غلط" نبيعه برضة.
وتذهب هذه الأموال لتصفية قضايا الفيفا، متخشش خزينة النادى، الفلوس دى علشان أزمات الفيفا.
هذا المبلغ أكثر من 70% من الأزمات، باقى الأزمات ستكون بسيطة وسنحاول كسب الوقت حتى تدبير المبلغ المتبقى، لحل هذه الازمة.
وتبقى المشاكل المالية الداخلية كما هى تحاول الادارة حلها داخلياً.
الموضوع مش محتاج عاطفة دلوقتى، قد ما هو محتاج قرار جرئ، لمصلحة النادى، ودا اللى قولناه ساعة عرض الشباب السعودى لزيزو، 6 مليون دولار وكانت قابلة للزيادة.. وننتهى من أزمات الفيفا .. لكن لا حياة لمن تنادى.
لابد من قرار جرء، سداد المديونيات والعمل بعد ذلك على تجهيز فريق قوى، اما فكرة دوامة كل سنة وإيقاف قيد مش نافع خلاص .. تعبنا.
نكرر : الأموال المقترحة لا تدخل خزينة النادى .. الى الفيفا مباشرة ..
