علق رحاب أبورجيلة عضو مجلس ادارة الزمالك على الحديث بشأن مكان عزاء الراحل محمد صبري لاعب الزمالك السابق
وكان الراحل قد توفي في الساعات الأولى من صباح أمس خلال حادث سيارة، وأعلن نادي الزمالك اقامة عزاء كبير له يناسب قيمة الراحل
وكتب رحاب أبو رجيلة من خلال حسابه على موقع التواصل الاجتماعي فيسبوك قائلا:
بشويش يا جماعه اى حد سهل جدا يطلع يزايد وانا الحمد لله لا بدافع ولا بهاجم انا بقول اللى شايفه صح وخلاص
قصه عزاء المرحوم صبري داخل النادى دى فكره تكاد تكون مستحيله وانا اول ما عرفت القرار استغربت لانى عارف مفيش مكان ينفع يتعمل فيه العزاء
وتابع: المكان اللى اتعمل فيه عزاء الكابتن حماده امام اللى هو ما كان ما يسمى ممر لابوار بعد دخوله فى حرم النادى كان يسمح باقامه العزاء ومكان لركن عربيات الشخصيات الكبيره المكان ده اتعمل حدائق والباقى منه لا يتسع لعمل عزاء كبير حتى فكره انه يتعمل فى الملعب برضه تكاد تكون مستحيله للدخول والخروج واستخدام شارع جامعه الدول اللى هيتوقف تماما وقت العزاء
فنهدى كده ونركز فى اللى يفيد المرحوم واسرته ابرك ميه مره من مكان وقصه العزاء
