علق رحاب أبورجيلة عضو مجلس ادارة نادى الزمالك السابق، على فكرة إقامة عزاء المرحوم محمد صبرى فى مقر النادى.
هذا الأمر الذي تراجع عنه المجلس وقرر اقامته غداً فى مسجد الحامدية الشاذلية، لينتقد البعض هذا التصرف.
وعبر صفحته الشخصية على موقع التواصل الاجتماعى فيس بوك كتب رحاب أبورجيلة قائلاً :
بشويش يا جماعه اى حد سهل جدا يطلع يزايد وانا الحمد لله لا بدافع ولا بهاجم انا بقول اللى شايفه صح وخلاص
قصه عزاء المرحوم صبري داخل النادى دى فكره تكاد تكون مستحيله وانا اول ما عرفت القرار استغربت لانى عارف مفيش مكان ينفع يتعمل فيه العزاء
المكان اللى اتعمل فيه عزاء الكابتن حماده امام اللى هو ما كان ما يسمى ممر لابوار بعد دخوله فى حرم النادى كان يسمح باقامه العزاء ومكان لركن عربيات الشخصيات الكبيره المكان ده اتعمل حدائق والباقى منه لا يتسع لعمل عزاء كبير حتى فكره انه يتعمل فى الملعب برضه تكاد تكون مستحيله للدخول والخروج واستخدام شارع جامعه الدول اللى هيتوقف تماما وقت العزاء
فنهدى كده ونركز فى اللى يفيد المرحوم واسرته ابرك ميه مره من مكان وقصه العزاء
