كشف الصحفى خالد طلعت وهو المحسوب على الاهلى عن تفاصيل شيء عادي جداً بالنسبة لهم حدث فى الفترة الاخيرة.
الشيء العادي واحنا عارفين ليه عادى طبعاً أن الاهلى تعاقد مع لاعب كرة سلة كان يلعب فى نادى اسرائيلي من قبل.
اللاعب دومينيك بوينتر وسبق له اللعب في هابوئيل ايلات الاسرائيلي سنة 2016، بس عادى عادى .. هيطلعوا بأى مبرر.
وعبر صفحته الشخصية على موقع التواصل الاجتماعى فيس بوك كتب خالد طلعت قائلاً :
الأهلي يضم بين صفوفه لاعب لعب في اسرائيل !!
من كام يوم أثيرت ضجة كبيرة جدا عن تعاقد الزمالك مع مدرب حراس المرمى البرتغالي فيتور بيريرا بحجة انه درب قبل كده في اسرائيل ، وناس كتير من الاعلاميين الاهلاوية ومن لجان ج ج هاجموا ادارة نادي الزمالك بسبب التعاقد مع مدرب درب في اسرائيل قبل كده
اللي ناس كتير متعرفوش ان الاهلي من كام يوم برضه تعاقد مع لاعب امريكي لفريق كرة السلة اسمه دومينيك بوينتر واللاعب ده سبق له اللعب في هابوئيل ايلات الاسرائيلي سنة 2016 ولعب مع الاهلي ماتش سبورتنج الاخير
يا ترى بقى الاهلاوية اللي هاجموا ادارة الزمالك عشان تعاقد مع مدرب لعب في اسرائيل هيهاجموا ادارة الاهلي عشان تعاقدوا مع لاعب لعب في اسرائيل ولا هيتبعوا نظرية (لا أرى لا أسمع لا أتكلم) عشان لقمة العيش
