علق المحلل الرياضى محمد ناصف على أزمة نادى الزمالك الخاصة بـ سحب أرض النادى فى 6 أكتوبر.
وعبر صفحته الشخصية علفى موقع التواصل الاجتماعى فيس بوك كتب محمد ناصف معلقاً :
مهما كانت مشاكل ادارات نادينا وتقصيرهم في بعض الحاجات اللي بننتقدها عليهم لكن مشاكل الزمالك الحقيقية واللي وصلت النادي للمرحلة اللي احنا فيها مشاكل متعمدة ومقصودة من المنظومة الرياضية
المنظومة اللي بتتعمد تهد الزمالك في اي وقت وكل وقت بيقف فيه على رجله عشان ميقدرش يكون المنافس القوي لنادي المنظومة اللي بيتسخر كل شيء عشانه استقرار اداري ومالي وفروع ومساعدات ورعاة واعلانات واتحاد كرة ولجنة تحكيم ولجنة مسابقات ورابطة اندية وصحافة واعلام
انما الزمالك بيتفننوا في تدميره من حل مجالس ادارات لسحب اراضي لعدم وجود معلنين كبار وعدم وطود اعلانات للاعبي الفريق لان مسيطر عليها المنافس وعدم وجود دعم مالي وكل ما النادي يقف على رجليه المسئولين عن اللعبة يدوسوا على الزرار ويكتبوا على الشاشة جيم اوفر ونرجع نعيد الجيم من اول محاولة مرة تانية
بعد ما بدأنا نشتغل وواخدين كل الضمانات والخطابات اللي بتأكد صحة شغلنا قالك الارض اتسحبت وهتاخدوا ارض غيرها بسعر النهاردة عشان بدل ما تستفيد من بناء الارض بفلوس هتحللك الازمة المالية تبدأ تسدد في فلوس الارض الجديدة يعني أي فلوس هتدخل من الارض الجديدة هنسدد بيهم الفلوس اللي علينا للوزارة وحلني بقى بعد ما نسدد للمبلغ يكون النادي غرق تماما
القصة معروفة والمسرحية بوخت وبقت مقرفه وهما عايزين كدا وحابين كدا ومستمرين على كدا لان هما مش عايزينك واقف على رجلك او قادر تنافسهم هما عايزين نادي لا حول له ولا قوة يدون انياب يكمل ليهم المسرحية الهزلية بتاعهم
