علق الصحفي خالد طلعت المحسوب على النادى الاهلى على حالة انفصام الشخصية التى يعانى منها الأهلى.
الأهلى من الامس ولجانه الاعلامية لا حديث لهم إلا عن تعرضهم لظلم تحكيمي فى مباراة الجيش، وتناسوا كل الاشياء التى كانت لصالحهم فى المباراة.
الاهلى اللى 60% من بطولاته بالتحكيم والمجاملات، وأكثر نادى فى الكون بدون مبالغة تتم مجاملته من التحكيم، يتحدث عن الظلم التحكيمى.
وصل الحال إن مؤيدى الاهلى ضجوا بما يحدث لأن الامور واضحة، لكنها البصيرة ايها السادة.
وعبر صفحته الشخصية على موقع التواصل الاجتماعى كتب خالد طلعت قائلاً :
من امبارح اعلام الأهلي وجمهور الأهلي مركزين في ماتش الجيش الملكي على لقطة واحدة بس هي لقطة ضربة الجزاء للجيش على ديانج وطريقة تنفيذها وبيقولوا انها ركلة جزاء غير صحيحة وان تنفيذها خاطىء وان الحكم ظلمهم في الماتش ده ولولا كده كانوا هيكسبوا الجيش
كل تركيزهم على 60 ثانية بس في الماتش كله ومش بيتكلموا على قرارات الحكم في باقي الـ 90 دقيقة وايه اللي حصل فيها وايه منها صح وايه منها غلط عشان فيه أخطاء كتيرة لصالحهم
وأي حد بيسمعلهم أو بيتابعهم هيصدق وهيحس ان الاهلي تعرض لظلم رهيب وفادح
لكن لو بصيت الناحية التانية للاعلام المغربي وجماهير الجيش الملكي هتلاقيهم بيقولوا انهم تعرضوا لظلم فادح من حكم المباراة وان حكام افريقيا دايما بيجاملوا الاهلي ، وانه الغى للجيش هدف صحيح مليون في الميه مفيهوش اي ريحة التسلل ، وانه كمان محسبش للجيش 3 ركلات جزاء صحيحة مليون في المية واضحين جدا ..
على كوكا في الشوط الاول نتيجة اعاقة مهاجم الجيش وعلى ياسين مرعي في الشوط التاني نتيجة شد واضح لمهاجم الجيش من التي شيرت وعلى ياسر ابراهيم في اخر ثانية نتيجة عرقلة مهاجم الجيش من داخل منطقة الجزاء ، وانه لولا الحكم كان الجيش كسب الاهلي 5 أو 6
الحكم امبارح أخطأ أخطاء كتيرة بعضها لصالح الاهلي وبعضها لصالح الجيش ، لكن لو بصينا بحياد تام هنلاقي أخطاءه الأهم والأكتر كانت لصالح الأهلي وضد الجيش الملكي
