علق رحاب أبورجيلة عضو مجلس إدارة نادى الزمالك على بند من بنود ميزانية الزمالك الذى تم الإعلان عنها.
بكل صراحة ميزانية صعبة تُشير الى وضع صعب فى النادى، وتؤكد ما تحدثنا به على مدار سنوات هنا فى الزمالك اليوم، أن الزمالك يفتقد النظام، والسيستم..
الزمالك ليس فقير مالياً، لان اسم الزمالك لوحدة براند.. الزمالك فقير إدارياً على مدار 25 سنة ماضية.
وعبر صفحته الشخصية على موقع التواصل الاجتماعى فيس بوك كتب رحاب أبورجيلة معلقاً :
يعنى ايه ايرادات تذاكر ماتشات نادى الزمالك طول السنه ٤٠٠ الف جنيه ده احنا اكتر جمهور حضور فى المباريات
مقارنه ب ٥٦.٥ مليون جنيه للنادى الاهلى ( ٢٦.٨ تذاكر دورى الابطال +٧.٧ مليون جنيه تذاكر موسميه ( صوتى اتنبح فى تنفيذها ) +٢٢ مليون تذاكر باقى الموسم )
الفرق ده رهيب وملوش اى تفسير عندى غير ان اغلب الحضور دعوات رقم مرعب محتاج يتحط تحتيه ١٠٠ خط
طبعا كل الارقام دى مجهود اخوى عبد الرحمن الشويخ
اللى طبعا هو علامه فارقه فى اقتصاديات الرياضه
