انتقد الناقد الرياضى محمد خليفة تصرفات مجلس إدارة نادى الزمالك فى الفترة الاخيرة، وهى التصرفات الغير مقبولة الحقيقة.
ولاننا معندناش أهم من الزمالك ومصلحته، لابد من مواجهة الحقيقة وهى أن مجلس الادارة اتخذ سلسلة من القرارات الكارثية أدت الى ما نحن فيه الان..
محمد خليفة علق على ملف صلاح مصدق والجفالي، ومعهم عبد الحميد معالى، حيث كتب عبر صفحته على فيس بوك :
أنا اقدر افهم ان لما يبقي عليا مبلغ زي قضية ساسي ب ٥٠٠ الف دولار اني ما اجريش ادفعهم واماطل سنة واتنين واقبل حتي بالفايدة اللي بتتراكم عليا اللي هي ٥ المية ولا ١٠ المية
اللي هو اه في ظل الازمة المالية ادفع ٦٠٠ الف كمان سنتين تلاتة وما ادفعش ٥٠٠ حالا
لكن فكرة ان لعيب يبقي ليا مستحقاته عن نص موسم زي مصدق وجفالي ومستحقاتهم دي ١٠٠ الف دولار ومبالغ زي دي فافضل مطنش ومتجاهل الانذارات
علشان اللاعب يوصل انه يفسخ وياخد كامل مدة عقده
وبدل ما يبقي عليا دلوقتي حالا ١٠٠ الف دولار يبقي عليا مثلا في حالة مصدق مبلغ عقد ٣ سنين يساوي ٨٠٠ او ٩٠٠ الف دولار
فما فيش حد في الدنيا يتخيل انه بدل ما يدفع ١٠٠ دلوقتي يدفع ٩٠٠ بعد تلت سنين ويبرر ده باي اسباب
ده أنا لو مش لاقي اللضا حتي هستلف ال ١٠٠ الف علشان امنع انهم يتحولوا عليا ٩٠٠ بعد ٣ سنين
