علق الناقد الرياضى محمد الجبالى على المشهد الحزين فى نادى الزمالك بسبب سياسات مجلس الإدارة.
ومنذ عام 2000 والزمالك يعيش كوارث إدارية أدت إلى ما نحن فيه الآن، ليصل المشهد فى النهاية الى ما نحن فيه الآن.
وعبر صفحته الشخصية على موقع التواصل الاجتماعى فيس بوك كتب محمد الجبالى قائلاً :
والله الموضوع أكبر مما يتخيل أحد
الإدارة ضعيفة ومستخبية ومعندهمش حلول لأي حاجة ،،، بل على العكس أغلبهم عايز يمشي ..!!
الموضوع من أوله لأخره .. زمالك ،،، وكل واحد واخده
في الحته اللي على هواه
** الهجوم على المجلس ورحيلة مش هايحل المشكله ،،، بل على العكس هيعقدها أكثر وأكثر ،،،
** اللي في ايده قرار الأرض هيشوفك حاطط على المجلس بالشكل ده هيقولك كمل .. وهو المطلوب
** لازم نفرق بين الهجوم على إدارة ضعيفة مستخبية ومعندهاش حلول وبين مطالبنا كزملكاوية بضرورة عودة الأرض ،،،
** يرحل من يرحل ولا فارق معانا غير الزمالك ،، بلاش حد ياخدكم في سكة هدم المعبد على الجميع ،،، التوقيت ده فرصة لكل واحد يطلع اللي جواه وكان مستخبي ولا فارق معاه الزمالك ،،
** يا ترجعوا الأرض يا تقفلوا النادي وترتاحوا واتريحونا ..!!
الزمالك محتاج حلول من الدولة مش من أشخاص ،،،، ومثلما وقفت الدولة مع الأهلي لازم تقف مع الزمالك … غير كده يبقى بنحكي في المحكي …
