كشف احمد عاطف لاعب الفريق الاول الكروى فى نادى زد، تفاصيل ازمة استبعاده من المنتخب الوطنى الثانى بقيادة حلمى طولان.
ونشر عبر صفحته الرسميه على موقع التواصل الاجتماعى "فيس بوك"
وكتب: وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ:،اولا"الحمدلله كان نفسي أبقي موجود مع زمايلي في المنتخب واساعدهم باكتر شكل أقدر أساعد بيه وكان نفسي ابقي موجود وامثل بلدي في بطوله زي دي لكن قدر الله ما شاء فعل، كام نقطة عايز أوضحها بس علشان مش عارف أرد على مسدچ أو تليفون وبعتذر لأي حد معرفتش أرد عليه أنا مكنتش أعرف إني هسافر وأبقى مش موجود، أنا الحمد لله سليم ومش مصاب، أنا معملتش تصريح بأي حاجة غير إني مش مصاب لأن دي الحقيقة، كل كلام اتقال زياده ملهوش علاقة بيا، مكنتش حابب اتكلم ف الموضوع علشان مكنتش حابب أسبب لزمايلي أي حاجة ويكونو مركزين في البطولة بأكبر شكل ممكن، الحمد لله أنا راضي بقضاء ربنا واكيد كل حاجه ربنا بيعملها بتكون خير ليا، الموضوع اتقفل بالنسبالي تماما واتمني التوفيق للمنظومه كلها وباذن الله المنتخب يعوض ونكسب أمم افريقيا والشعب يفرح لأن الشعب يستاهل دا ويفضل اسم مصر فوق أي حد.
