رد محمد اشرف روقا لاعب الزمالك السابق على عبد الواحد السيد مدير الكرة السابق بخصوص تصريحات له منذ قليل.
تصريحات على خلفية تقديم روقا شكوى ضد الزمالك للمطالبة بمستحقات سابقة له، ليخرج اللاعب ويرد.
وعبر صفحته الشخصية على موقع التواصل الاجتماعى فيس بوك كتب محمد أشرف روقا قائلاً :
انا اول مره اكتب حاجة واعلق على موضوع انا قولته او ارد على حد واذكره باسمه وهنا كلامي لكابتن عبد الواحد السيد حضرتك عارف انا بحبك ازاي وبحترمك ازاي.
وده البند اللي في عقدي واللي حضرتك قولت انه مش موجود او البند ميخصش الفسخ من طرف واحد اما الشخص التاني فهو كابتن ايمن عبد العزيز حضرتك بتقول ان اما جيت لنادي الزمالك جيت النادي من لا شئ انا مش مشكلتي انك حضرتك متعرفش حاجة انا قبل ماجي نادي الزمالك الحمد لله انا معدي ال 100 ماتش.
ربنا كرمني ولعبت منتخب اوليمبي مع كابتن حسام البدري ربنا كرمني روحت منتخب مصر مع كوبر فانا الحمد لله مروحتش نادي الزمالك من لا شئ.
تاني حاجة انا مبقدمش حجج زي مابتقول مليش انا في الجو ده خالص وانت عارف انا مين وابن مين ومليش في الهجايص اللي بتتكلم فيها وانا مش مستني اني اشوف الناس بتهاجم حد عشان اطلع اتكلم انت بتقول اني خدت فلوس ٦ سنين مجتش من سنه لا هو حضرتك متعرفش حاجة برده وبتتكلم بس ومتعرفش اني كنت بقعد فتره ب ٥ و ٦ شهور ميدخلش بيتي جنيه.
اما بالنسبه لحوار جوميز فانا مش محتاج اتحجج حضرتك ولا اهري زي مانت طالع تتكلم في حاجات متعرفهاش ربنا بس وحده اللي يعلم اذا كنت بكدب او صادق فانت متطلعش تقول اي كلام فارغ عني وانت متعرفش حاجة.
