علق الاعلامي ابراهيم فايق على قرارات الاتحاد الأفريقي لكرة القدم التي خرجت بشكل مفاجئ بتعديل موعد بطولة امم أفريقيا لتكون كل أربعة سنوات بدلا من سنتين.
حيث اعتبر أن الكاف يخضع الى ضغوطات الأندية الأوروبية التي لطالما كانت تطالب عبر سنوات ماضية باقامة أمم أفريقية كل أربعة سنوات وفي الصيف من أجل الحفاظ على لاعبيها الأفارقة خلال مباريات منتصف الموسم.
وبالتالي هل جاء قرار الكاف استجابة لضغوطات الأندية الأوروبية لهذا الطلب
وكتب ابراهيم فايق من خلال حسابه على موقع التةواصل الاجتماعي فيسبوك قائلا:
بطولة أمم إفريقيا دي مالهاش صحاب.. شيلها من الصيف حطها في الشتا.. طب بقولك ايه.. ما تجيبها كده شوية نرجعها للصيف كده نجرب؟!! حبيبي بقولك ايه.. نأجلها السنة دي؟! نأجلها عادي مش هيجرى حاجة.. نخليها في السنين الفردية؟! علشان تبقى في سنين غير كاس العالم؟!
طب بقولك.. تييجي نخليها كل ٤ سنين؟! كل ٤ سنين حلو وحط جنبها شوية كلام منمق كده من بتوع الاستراتيجية والرؤية والحاجات العميقة دي.
صيف ولا شتا؟!
ربك ييسر بقى مش هتفرق.. حط لي بقى جنبها بطولة دوري أمم إفريقيا علشان الدنيا تبقى سلطة كده.
طب بقولك ايه يا عمو؟
كان فيه بطولة اتلعبت كده بين الأندية.. اسمها دوري السوبر الافريقي؟! راحت فين دي؟! كنت حطيت قبلها كلمة استراتيجية وقتها وتعظيم المدخلات للأندية وقولت هتلغي الكونفيدرالية وكده.. فاكرها؟
اااه.. مش دي اللي اعلن عنها انفانتينو وموتسيبي! لا مش فاكرها
