علق الناقد الرياضى صبحي عبد السلام، على تصريحات أحمد سليمان عضو مجلس اداره النادى، التى أدلى بها منذ ساعات قليله ماضيه.
ونشر عبر حسابه الشخصي على موقع التواصل الاجتماعى "فيس بوك":
وكتب: اللي اتفاجئ بكلام أحمد سليمان مع مهيب، يبقى أكيد مش متابع اللي بيحصل جوه المركب من أول يوم.
واللي لسه عنده أمل في المجموعة الحالية، اللي بتدير النادي، محتاج يراجع نفسه كويس.
نصيحتي لأي حد في المجلس ده، لو بتحب الزمالك أمشي، والاستقالة وقت الفشل مش عيب.
أنتم ناس محترمة، ومحدش بيشكك في نواياكم، لكن النتيجة واضحة، والنعمة اللي كانت في إيدينا بتضيع.
كفاية كلام ونصايح، المركب غرقت، ومفيش وقت لتبرير أو مجاملات.
الزمالك أكبر من الضعف، وأكبر من الذل والهوان اللي وصل له معاكم.
امشوا دلوقتي، ده حق الزمالك عليكم، وحق جماهيره اللي دفعت الدم والعمر قبل الفلوس.
امشوا وسيبوا النادي لأي حد عنده حلول، ويقدر يعدل المسار، وينقذ تاريخ كبير من الضياع.
مات الكلام !
