علق عبد الحليم على نجم الزمالك السابق على خروج الزمالك من بطولة كأس مصر نسخة الموسم الحالي.
وذلك عقب الخسارة من دور الـ 16 أمام سيراميكا كيلوبترا بهدفين لهدف على ملعب استاد هيئة قناة السويس.
عبد الحليم على من خلال تصريحات تليفزيونية اكد أنه لن يكون هناك تبرير، ولكن تواجد جماهير الزمالك يكون عامل دعم قوي ومؤثر.
وتابع أن الزمالك تأثر بضغط المباريات الشديد خاصة وأنك تلاعب سيراميكا فريق محترم متصدر دوري وعنده دكة وعنده سكواد قوي وعنده مدير فني قوي
وواصل أن الشوط الثاني كان ازمة لمعتمد جمال خاصة وأن هناك كم من اللاعبين لم يكونوا في حالتهم
مؤكدا أن هناك مجموعة من اللاعبين لم تكمن في حالتها في الشوط الأول، وهذا أمر ما ينفعش مع فريق كبير زي سيراميكا.
وواصل أن في النهاية فريق سيراميكا كان برضه بقاله فترة مريح، وبالتالي واقف على رجيله بشكل جيد للامانة، و كانوا مستحوذين، و بيديروا المباراة زي ما هم عايزين
وتابع أيضاقائلا: أنا عايز أقول لحاجة وكنا متفقين عليها إن قلنا بين الشوطين محمد إسماعيل يخش في نص الملعب أعتقد إنه فرق جامد مع التيم
أنا معرفش للامانة هو خروجه هل هو في إجهاد؟ هل هو حاسس بحاجة؟ مش عارف والله، دي بقى الرؤية بتاعة الجهاز الفني”.
وواصل: مفيش مجال للشك، محمد إسماعيل في المنطقة دي، الجون جه من هنا، والكور كلها خطورة جت من هنا، ده مع محمد شحاتة كانوا بيملكوا المنطقة دي.
أعتقد طبعاً أثر بنسبة كبيرة، محمد السيد مش هيجيب دي بشكل جيد، عبد الله السعيد مش هيجيدها بشكل جيد.
وأختتم: النهارده المساحات كنت بتلعب في مساحات كبيرة فاعتقد إن في أسباب كتيرة النهارده لهزيمة نادي الزمالك
إنما نقول الحمد لله على كل حال، في ظروف خارجة عن إرادتك وفي ظروف أنت خلقتها النهارده لنفسك، إنما الحمد لله على كل شيء”.
