علق الناقد الرياضي صبحي عبد السلام على فوز الزمالك المتتالي في بطولة الدوري العام رغم الظروف التي يمر بها.
الزمالك حقق فوز بالأمس على فريق حرس الحدود ليتوالى تحقيق الفوز في بطولة الدوري، ليعلق صبحى عبد السلام.
وعبر صفحته الشخصية على موقع التواصل الاجتماعي فيسبوك كتب صبحي عبد السلام معلقاً:
تخاريف صيام
انتصارات نادي الزمالك المتتالية في الدوري، مش مجرد فوز و 3 نقاط، دي رسالة واضحة إن الفريق راجع بشخصية البطل.
سقف الطموحات وصل للسما والحلم بقى مشروع، والعودة إلى دوري أبطال أفريقيا مش رفاهية، ده هدف لازم يتحقق،
المهمة صعبة؟ آه.
لكن مفاتيح الفوز موجودة في إيد المدرب البارع معتمد جمال، اللي قدر يستخدم كل الأوراق ويصنع توليفة، بتكسب وبتقنع رغم كل الضغوط.
معاه الفاتح فتوح، والأسطورة منسي، وعفريت العلبة بيتزيرا، وكتيبة الشباب اللي طالعة تكسر الدنيا.
الانتصارات مش بس بترفع رصيد في الجدول بس، دي بترفع الاستقرار داخل النادي، وبتدي مجلس الإدارة فرصة، يتنفس قبل أي عاصفة جديدة،
وكلمة حق لازم تتقال، جماهير الزمالك هي الوقود الحقيقي، في أصعب لحظة بتظهر، وبتصنع الفارق، وبتحول الضغط لطاقة إيجابية، الدوري مش حلم، الدوري بيقرب.
