أشاد الناقد الرياضى صبحى عبد السلام بالثنائى حازم إمام وتامر عبد الحميد وبدورهم فى قطاع ناشيئن النادى.
وعبر صفحته الشخصية على موقع التواتصل الاجتماعى فيس بوك كتب صبحى عبد السلام مشيداً :
شهادة حق
لما مستقبل النادي يبقى في إيد ولاد النادي، لازم تطمن وجود حازم إمام وتامر عبد الحميد في الصورة مش مجرد أسماء، دول قيمة وتاريخ وولاء حقيقي.
اتنين من أوفى وأخلص ما أنجبت ملاعب ميت عقبة، دافعوا عن الشعار سنين، وزملكاوية “بيور” يعرفوا يعني إيه كرامة القميص الأبيض.
لو هتدور أكتر أبناء الزمالك إخلاصا وولاء، هتلاقيهم في المقدمة، لا في يوم ساوموا، ولا باعوا، ولا خانوا، وجودهم ضمانة إن قطاع الناشئين يرجع كنز حقيقي للنادي، ويتحافظ على ثرواته بدل ما تتبدد.
اطمن، لأن اللي ماسكين الملف بيحبوا الزمالك زيك ويمكن أكتر، ومفيش عندهم حسابات ولا مصالح، عكس ناس دخلت وخربت القطاع سنين طويلة.
أنا مش خايف على مستقبل الزمالك.
أنا مستني كنوز جديدة تطلع من القطاع، تصنع الفارق، وتكمل المسيرة.
وفخور كمان بروح الصداقة والانسجام بين دونجا الأصلي وزوما، شركاء النجاح، مع جماهير عظيمة، ومع الصديق معتمد جمال ونجوم المستقبل، ومينفعش ننسى دور بدر حامد قبل رحيله للاتحاد الليبي.
طول ما الراية في إيد المخلصين، هيفضل الأبيض كبير، أنا فخور بصداقتكم.
