علق هيثم فاروق نجم الزمالك السابق على المشهد الخاص بمباريات الزمالك المضغوطة، فى ظل عك تنظيمى من رابطة الاندية للاضرار بنادى الزمالك.
وعبر صفحته الشخصية على موقع التواصل الاجتماعى إكس كتب هيثم فاروق قائلاً :
لغاية دلوقتى مفيش مشكلة والأمور ماشية الإتحاد الإفريقي يضرب كرسي في الكلوب ويعمل الماتش يوم السبت14 مارس الساعة 3 عصرا فى عز النهار وفي الحر وفي نهار رمضان علي ملعب ترتان .ماشي مش مشكلة برضه .حق الاتحاد الافريقي .طيب الزمالك يلعب الأربعاء 11مارس مساءا مع إنبى ويسافر امتي.
ويلعب إمتى .يقوم نادي الزمالك يطلب من الرابطة تقديم ملتش إنبي 24 ساعة علشان يعرف يلعب ويسافر .الرابطة ترد تقول هاتوا لنا موافقة إنبى .طيب إزاي وانت لازمتك ايه .انت جاي يشتغل ايه .وطبعا إنبي رافض لأنه عايز فترة 4 أيام قبل ماتش الزمالك .عيب والله.
مباراة انبى والزمالك تم تحديدها فى الجدول يوم 11 مارس على أساس أن الإتحاد الإفريقى سوف يحدد مباراة اوتوهو والزمالك في الكونفيدرالية يوم الأحد 15 مارس .مع العلم أن المباراة التي تسبق إنبى في الدوري ستكون مع الإتحاد يوم الجمعة 6 مارس وإنبى أيضا لديه مباراة فى الدوري يوم 7 مارس.
