علق المحلل الرياضي محمد خليفة على عقوبات الكاف الصادرة ضد النادى الاهلى.
عقوبات بالشوكة والسكينة مقارنة بعقوبات أخرى كانت صدرت ضد الزمالك ليعلق محمد خليفة على هذه العقوبات.
وعبر صفحته الشخصية على موقع التواصل الاجتماعى فيس بوك كتب محمد خليفة قائلاً :
بمناسبة عقوبة الكاف
فاكرين اول ما خلص الماتش كان في ناس اهلاوية من حبهم في ناديهم استنكروا بشدة اللي حصل من الجماهير وقالوا ان ده ممكن يعرض النادي للعب بدون جمهور
شوية صغيرين كده واسكريبت تاني اشتغل ولقيت كله قاعد يقول اللائحة اللائحة اللائحة رمي الزجاجات غرامة مالية
وكأننا في محاولة فرض امر واقع
رغم ان العقوبات الانضباطية دي كلها عقوبات تقديرية بتتقاس ويتحكم فيها بالنظر للأحداث وطبيعتها
يعني اكيد رمي ٤ و ٥ قزايز مثلا من افراد من الجماهير غير المنظر اللي شفناه يومها
والعقوبات الانضباطية تقديرية دي هتديك مثال
لو لاعب مثلا وهو بيعترض علي الحكم بيطلع ليه كارت دفع ايده دفعة صغيرة
هل زيها زي لو لاعب جه وقف قدام حكم ودفعه في صدره جامد دفعة رجعت الحكم خطوتين تلاتة؟
اهي دي دفعة ودي دفعة
بس ممكن بط الحالة التانية دي العقوبة تكون شطب اللاعب
فالاسكريبت اللي طلع بعد الماتش بتاع رمي الزجاجات عقوبة مالية رمي الزجاجات عقوبة مالية رمي الزجاجات عقوبة مالية
ودي للائحة
لو كان متخذ القرار ده مصري بعد الحملة الموحدة دي
الله في سماه كان رضخ للاسكريبت
ودي صورة من اللي بيحصل لاي قرار بيطلع داخل دهاليز الكرة المصرية
فرض واقع بالدراع
وقرارت محصنة غير قابلة للاستئناف والطعن عليها
