علق محمود علاء مدافع الزمالك السابق على اختيار الانضمام للفريق الأبيض على حساب فكرة الانتقال الى الأهلي عام 2018
محمود علاء من خلال تصريحات تليفزيونية تحدث قائلا: اختارت نادي الزمالك بسبب إنتمائي وبعد مكالمة من المستشار مرتضى منصور وهو راجل بحترمه وبحبه جدا ومن أوفى الناس اللي ادت لنادي الزمالك
وتابع: أنا خلاص اديته وعد إن محمود علاء في الزمالك وأنا راجل محامي خريج حقوق يعني كلمتي سيف، كلمتي عقد، بعد المكالمة قعدت معاه في النادي النهري وقاللي بكرة هنوقع العقود كان يوم الخميس وقلتله هجيلك بكرة بعد صلاة الجمعة
وواصل: على فكرة هو بيحبني وبيحترمني جدا لحد النهاردة بسبب الموقف ده لإن اللعيب لما يقولك هنستنى يومين كان بيطير
ونقطة العرض المادي كانت متساوية فأنا اختارت الزمالك بإرادتي علشان كنت شايف مستقبلي وحياتي ومودي كله كان رايح الناحية دي، بجانب إنتمائي طبعا.
