ونشر عبر حسابه الرسمى على موقع التواصل الاجتماعى "فيس بوك":
وكتب: الفلوس مش كل حاجة يا نوال...الفلوس مش كل حاجة يا أحمد
الجملتين دول
كتير سمعناهم في كلاسيكيات السينما المصرية من أيام الابيض والاسود
بصراحة
ومع كل الاحترام لجمهور #الاهلي الكبير اللي مالوش ذنب
بصراحة
الجملتين دول ينطبقوا على #النادي_الأهلي
تحس إنك محتاج تقولهم لمجلس #إدارة_النادي_الأهلي
هو فاضل إيه بعد ما النادي اشترى
#إمام_عاشور #زيزو #بن_شرقي #تريزيجيه #محمد_شريف
#منتخب_مصر يعني
دا غير #ديانج و #الشحات ومروان وياسر ابراهيم والشناوي
دا غير الاستقرار والإعلام والإعلان
وبعد دا كله... بصراحة
أداء بدون روح بدون فنيات وكأن مفيش مدير فني
هل معقولة
#فريق_المليارات
يبقى بالمستوى الهزيل ده
وهنا لازم الوقفة الجادة والحاسمة مع النجوم
المجلس اجتهد ووفر كل حاجة
أنتم فين؟
فين شخصياتكم في الملعب
تريزيجية.. بيقاتل
لكن
فيه نجوم أسماؤهم كبيرة أوي أوي
وأرصدتهم في البنوك أكبر أوي أوي
وشغلوا الإعلام والسوشيال ميديا كتير أوي أوي
والمحصلة ايه؟ ولا حاجة
أكتر من نجم اسمه ضخم جدا في الفريق
محتاج يقف قدام نفسه في المراية
ويحس بشعور الجمهور العظيم
اللي كان من حقه النهاردة يقول
العب بقى يا عم
خلي عندك دم
هل معقول إن متصدر الدوري وبأداء رائع رجولي كله فنيات يكون الزمالك بمشاكله، بديونه، بإيقافات قيده، بنجومه اللي اتباعت واحد ورا التاني، بأرضه اللي اتسحبت
هل معقوله
الزمالك اللي نص تشكيلته ناشئين مع كل الاحترام ليهم
معظمهم محدش يعرف اسمه أو شكله حتى من الجمهور
لكنهم رجالة
أثبتوا
فعلا
إن الفلوس مش كل حاجة يا مجلس الأهلي
معتمد جمال المصري المحترم ابن النادي اللي بيقبض- لو كان بيقبض أصلا- 5% من مرتب الخواجة ثورب
الخواجة اللي ما شوفناش له
لمحة فنية ولا أسلوب ولا خطط ولا قراءة ماتشات ولا إنقاذ مواقف
قلنا 100 مرة
#الأهلي فيه حاجات غلط
أوضة اللبس بيقولوا فيها كلام
منظومة الدفاع تحتها مليون خط
الصفقات الغريبة اللي جات النادي والجمهور نفسه مش راضي عنها
على فكرة
الدوري ما انتهاش
وممكن الأهلي يفوز بيه
لكن
منظر الفريق
مستحيل يكون على أد المتوقع والمنتظر
الأهلي فعلا
جمع لاعيبة منتخب مصر
والمنافس التاريخي في أزمات غير عادية
لكن
الفلوس مش كل حاجة
الفلوس ممكن تشتري عشر نجوم
لكن
روح الفانلة الحمرا مش بتتباع بالفلوس
تخيلوا
الأهلي فرط في رامي ربيعة ابن النادي عشان فرق فلوس قليل
واشترى مدافعين أقل من العادي
وساب مدافعين وبيدفع لهم وهما مصابين وبرا الفريق أصلا زي أشرف داري
مجلس الأهلي
هو المسؤول الأول أمام الجمهور
وهو اللي المفروض يقدم إجابات مقنعة لسؤالين اتنين مباشرين
السؤال الأول
ازاي فريق بالمليارات وبيقدم المستوى الهزيل ده؟!
السؤال التاني
مين مسؤول عن الصفقات الجديدة الغريبة جدا جدا؟!
هاردلك ل #جمهور_الأهلي
