علق أحمد حسام ميدو لاعب الزمالك السابق على هزيمة الزمالك بالامس من نادى إنبى ضمن منافسات بطولة الدورى العام.
هزيمة لم تكن فى الحسبان من الاساس، حرص ميدو التعليق على هذه الهزيمة.
وعبر صفحته الشخصية على موقع التواصل الاجتماعى إكس كتب ميدو معلقاً قائلاً :
مباراة للنسيان ل #الزمالك لم نبدأ بأفضل تشكيل وكان يجب الصبر على محمد السيد إلى ما بين الشوطين ونزول أدم كايد بدلا منه في الوقت اللي #انبي لعب بكثافة دفاعية كنا محتاجين لاعيبه تعرف تستلم الكورة بين الخطوط وتعمل مشاكل لدفاع إنبي.
نزول عدي الدباغ فصل الثلاثي الهجومي عن وسط الملعب فبقت مهمة حمزة الجمل اللي عمل ماتش كبير سهلة جدا وهي قفل الاجناب على الزمالك لقتل خطورته!!
وتابع : مهما كنت مين ولو اكبر فرقة في العالم في ايام بتبقى مش بتاعتك ضربة جزاء في توقيت صعب والمهدي راح مع الكورة لو يومك هيصدها ويجيلك ضربة جزاء تطلع على الاقل بنقطة احسن لاعيب بيشوط ضربات جزاء في مصر يضيعها..
لازم نقفل الصفحة ونلعب ٦ ماتشات كلها ماتشات كؤوس لازم يبقى في هدوء أكثر وتعرف ان الفترة الجاية كل منظومة الكورة في مصر هتصدرلك كل المشاكل اللي ممكن يصدروهالك..
اقفل ودنك لازم تعرف ازاي تتعامل مع الخسارة لأنها جزء من اللعبة خسرنا وممكن نخسر ثاني!! علشان كده بطل الدوري لازم يكون نفسه طويل وبيعرف يتعامل مع الأزمات!!
