رفض الاعلامي خالد الغندور نجم الزمالك السابق كثرة تعليقات الجماهير على موضوع صيام أو افطار لاعبي الزمالك خلال مباراة اليوم أمام أوتوهو الكونغولي
المباراة التي تعادل فيها الفريق الأبيض بهدف لهدف في ذهاب ربع نهائي كأس الكونفدرالية الأفريقية
وكتب خالد الغندور عبر حسابه على موقع التواصل الاجتماعي فيسبوك قائلا:
إنا الله يحب أن تؤتي رخصه يعني لو انت علي سفر و سفر شاق يحق لك الإفطار و عليك تعويض هذا اليوم ده لو حد قرر انه يفطر عشان مشقة السفر مش عشان الكرة ثانيا و الاهم ان معظم لاعبوا الزمالك صايمين رغم الرخصة اللي ربنا أعطاها للمسافر و اهم حاجة ان كل واحد يبقي في حاله و يصوم و يصلي و يدعي ان ربنا يتقبل منه و مالوش علاقة بيغيره عشان دي علاقته بربنا و بعيد عن شغل التشجيع و الأهلي و الزمالك او شغل التفاهات للبعض اللي عايز لايك و شير و مشاهدات بعيد عن التدين و الخوف علي الدين و الحقيقة انه شغل رخيص مرتبط بتشجيع اندية مش خوف علي الدين و الصيام و ربنا يهدي الجميع و احنا في ال١٠ ايام الأخيرة و منتظرين ليلة القدر اللي هي خير من الف شهر
