هاجم محمد الجبالي الناقد الرياضى، مجلس اداره النادى برئاسه حسين لبيب، عقب إيقاف القيد الـ 13 للفريق الاول الكروى بالزمالك.
ونشر عبر حسابه الشخصي على موقع التواصل الاجتماعى "فيس بوك":
وكتب: موضوع إيقافات القيد على الزمالك أصبح مستفز ودمه تقيل رغم إن الجمهور أصبح يتلقى مثل هذا الخبر ١٣ مرة بحزن مدفون ،،
المطلوب بوضوح شديد ،، حد يطلع يطمن الجمهور ويقولهم إن قبل نهاية مايو كل هذه المواضيع هتخلص ،،
القصة دي مفيهاش رفاهية ولا فيها محاولات ،، ده إختيار إجباري غير خاضع لأي ظروف لأنه مرتبط بسمعة نادي وبرخصة أفريقية لا مجال لأي احتمالات فيها ،،،
أما شغل التسريبات والمصدر الخاص الغامض بإن فيه محاولات ومشاورات وترتيبات فهو عندي هو والعدم سواء ،،،
دا إنت حتى عقد الرعاية الأخير فلوسه فص ملح وداب ،، حتى فلوس الأبلكيشن اللي اتاخد منها جزء قبل أصلا ما تعمل المزايدة بتاعتها برضوه اتصرفت ،،، وحاجات تاني كتير مفيش داعي للكلام عنها دلوقتي ..!!
اللي عندي وعند جموع الزملكاوية حاجة واحدة بس ،،، إن قبل نهاية مايو كل القصص دي تخلص بشكل جذري ..
