علق الصحفي خالد طلعت المحسوب على الاهلى على حالة "الدوشة" اللى عاملها الاهلى" بسبب ركلة الجزاء التي لم يتم احتسابها.
ركلة جزاء فيها شك حيث خرج عدد من الحكام السابقين وأكد أن الاهلى لا يستحق ركلة جزاء، بينما عدد أخر أكد أنها ركلة جزاء.
الاهلى عامل دوشة على ركلة جزاء وتناسي هو وإعلامة ولجانه ان 60% من بطولاته كلها أساساً بالتحكيم.
وعبر صفحته الشخصية على موقع التواصل الاجتماعى فيس بوك كتب خالد طلعت معلقاً :
سيراميكا كليوباترا كان ليه ضربتين جزاء صحيحتين أو على أقل تقدير واحدة منهم صحيحة بنسبة 100 % في مباراته أمام الأهلي في كأس السوبر المصري باجماع جميع خبراء التحكيم ولم يحتسب الحكم محمود البنا أي ركلة منهم وفاز الاهلي بالمباراة وفاز بالبطولة.
النهاردة الأهلي ليه ضربة جزاء صحيحة 100% وأمام سيراميكا نفسه محسبهاش حكم المباراة محمود وفا وبسببها فقد الاهلي نقطتين وممكن جدا بسببها يخسر بطولة الدوري.
السنة اللي فاتت المصري متحسبلوش ركلة جزاء صحيحة 100 % في مباراته أمام الأهلي بعد اعاقة واضحة من محمد الشناوي لفخر الدين بن يوسف والأهلي كسب الماتش وبسبب الـ 3 نقط دول الأهلي كسب الدوري الموسم اللي فات.
ماتش الأهلي والترجي نفس اللقطة بالظبط من مدافع الترجي لأشرف بن شرقي وبسببها الاهلي خسر من الترجي وخسر بطولة افريقيا.
أخطاء التحكيم واردة وموجودة على طول وجزء من متعة كرة القدم ، وكل الفرق بما فيها الأهلي بتستفاد كتير من أخطاء التحكيم وبرضه بتضر من أخطاء التحكيم
استقيموا يرحمكم الله .. دي نهاية العالم ممكن تكون كمان كام ساعة
