علق صبحي عبد السلام الناقد الرياضى على مباراة الفريق الاول الكروى فى النادى الاهلى مع نظيره سموحة بالدورى.
ونشر عبر حسابه الرسمى على موقع التواصل الاجتماعى "فيس بوك":
وكتب: الفرحة الهيستيرية للأهلاوية لحظة تسجيل هدف طاهر محمد طاهر في شباك (سموحة يونايتد)، بتأكد من غير أي نقاش، إن في عندهم حاجات كتير غلط، زي انعدام ثقة، وفقدان شغف الفوز والتتويجات، وفشل سياسة تحريض اللاعبين، وخطف نجوم المنافس والصفقات المليارية الكيدية،
ووسط كل ده، الزمالك يفضل حاجة تانية خالص، ده مش فريق كورة وبس، ده فريق بيقاتل!
الزمالك عدى في أزمات تضرب جبال، إيقافات، غرامات، مشاكل من كل ناحية، ومع ذلك، واقف على رجله
وبيكسب، واحد واتنين وتلاتة واربعة،
بيكسب جوه وبره،
وبيقدم كورة فيها روح وعظمة بجد وعلى مستوى أفريقيا، الزمالك هو اللي شايل اسم مصر ورافع راسها، باختصار، الزمالك حكاية كفاح مالهاش زي، يفوز بجدارة، لا براية مساعد ولا بصفارة طايشه، ولا بمصيدة "الفار" ولا بضمير غايب، الزمالك بيفوز بجهد وتعب وعرق فريقه، وعلشان كده فرحة جماهير الزمالك، بتكون حقيقية مش مصطنعة ولا مزيفة، شكرا
