حذر الكاتب الصحفي منتصر الرفاعي نادي الزمالك من الضغط الأخير من جانب النادي الأهلي على الحكام.
وهو ما سوف ينعكس على أداء الحكام سلبيا خلال المباريات الحاسمة لبطولة الدوري العام.
وكتب منتصر الرفاعي من خلال حسابه على موقع التواصل الاجتماعي فيسبوك قائلا:
لازم مجلس إدارة الزمالك يكون واخد باله من اللى بيحصل .. الضغط اللى بيحصل على الحكام اللى هيدفع ثمنه هو الزمالك لأن المنافس نجح فى مخططه واستفاد من الحكم محمود ناجى فى ركلة جزاء مستحقة لسموحة لم تحتسب .
مجلس الزمالك المتضرر الأكبر من عدم تطبيق الحكام القانون على المنافس لأنك لو فاكر إنك هتأخد الدورى اذا فزت بمبارياتك فقط تبقى غلطان ومش قاري التاريخ كويس
الطبيعى إنك تفوز ببطولة لما تكسب كل مبارياتك لكن ده مش معناه إنك مش هتفوز بنفس البطولة وبدرى بدري كمان اذا كان المنافس متعثر وفى أسوأ حالاته الفنية وبيحاول يجمع نقط من الضغط على الحكام فى مبارياته وبعده كده هيدخل على مبارياتك ويشكك فى فوزك وهفكرك .. ده عادة يا بيه وأسلوب حياة
