علق الاعلامي محمد عبد الجليل جاليلو المذيع بقناة الزمالك على قرار نقابة الاعلاميين بمنع ظهوره بسبب ما اعتبرته النقابة مخالفته قانون النقابة ٩٣ لسنة ٢٠١٦ وميثاق الشرف الإعلامي ومدونة السلوك المهني.
محمد عبد الجليل جاليلو من خلال حسابه على موقع التواصل الاجتماعي فيسبوك تحدث قائلا:
أولًا: أنا مش بقدم برنامج اسمه جاليليو أنا بتشرف بتقديم برنامج زملكاوي على القناة الرسمية لنادي الزمالك..
ثانيًا: أنا دخلت قريت نصوص ومواد القانون وحقيقي موقفتش على نوع المخالفة اللي ارتكبتها غير طرح وجهة نظري بوضوح شديد وبدون تجاوز في حق أي شخص أو مؤسسة
ثالثًا: أنا أول مرة أشوف شخص بيتوقف من غير ما يعرف ليه وأد إيه؟
رابعًا: كل الاحترام لكل الهيئات والمؤسسات بس أنا كشخص أبسط حقوقي أعرف غلطت في إيه وتجاوزت في مين وبأي شكل عشان على الأقل مكرروش تاني.. فهل ده صعب؟
أخيرًا وليس آخرًا؛ الزمالك مش بيمثله شخص ولا صوت ولا رأي ولا منبر واحد، الزمالك فكرة أكبر من اختزالها في هيئة أي شخص أو أي شيء..
