شن الإعلامي مدحت شلبي هجوم على سيد عبد الحفيظ، عضو مجلس إدارة الأهلي
وذلك بسبب أحداث مباراة الفريق الأحمر الأخيرة أمام سيراميكا كيلوبترا والتي شهدت أزمة كبيرة بسبب مطلبة الأحمر بركلة جزاء.
مدحت شلبي من خلال تصريحات تليفزيونية تحدث قائلا: اللي بيحصل عبث بكل ما تحمله من معنى، من غير المعقول ان ضربة جزاء حتى لو في مباريات مهمه حتى لو اعتبرنها ضربة جزاء هل يستمر معنا كل المده، دي بدأت الاستديوهات العربية بيقولوا ايه الي بيحصل في الكرة المصرية.
وتابع مدحت شلبي قائلا:: قولت في دروس مستفاده بكرر كل اللي حصل اثاره ماهو إلا إثارة للراي العام الاهلاوي علشان نأخذه في اتجاه تاني
وقولت مش عيب نغلط بس من غير المعقول نغطي الاخطاء بهذه الطريقه و ناخد الناس في سكه تانيه علشان ينسوا اخطائك.
واستكمل قائلا: كلمتين لسيد عبدالحفيظ قولت دي سابقه ان عضو مجلس ادارة الاهلي ينزل من المقصورة و يروح للحكم وايه نيته معرفش شوفناه وهو مدير كره كتير بيعترض
ووفقا لشهود عيان الحكم رفض يسلم عليه بعد ما كد له ايده، هل عضو مجلس ادارة الاهلي يتعمل معه كده، ثم يقود مجموعة علشان يروحوا اتحاد الكرة و قال لازم اللي يروح يكون له كارنيه، بصرف النظر هيسمعوا ايه في الفار؟ مش هيسمعوا ام كلثوم، مش هيسمع حاجه يعني، مش هيجي الحكم وفا ويقوله احسبها ضربة جزاء نكايه في الاهلي هو برنامج ما يطلبه المستمعون.
