وجة الاعلامى خالد الغندور، رسالة الى كل من ينتمى الى نادى الزمالك، ونشر عبر حسابه الرسمى على موقع التواصل الاجتماعى "فيس بوك":
وكتب: زي ما قولت من شوية
مصر غنية بالنفوس مش بالفلوس
هنتكلم عن تحفيز النفوس
مش تحفيز الفلوس
كلامي موجه لكل زملكاوي
ولكل مصري بيحب بلده أكتر من ناديه
براڤو رجالة الزمالك
والرجالة هنا
هما اللاعبين وكابتن معتمد وجهازه
والإدارة
وقبلهم الجمهور العظيم
امبارح
قدمتم مباراة ولا أروع
وموسم ولا أروع
مش هننسى إنكم جايين من بعيد
بعيد أوي
أول الموسم
محدش توقع منكم حاجة
وكله كان بيقول الزمالك بعيد
لكن الزمالك نفسه ومن وراه جمهوره
عمره
مهما كانت الظروف
ما يسمح بإنه يكون بعيد
دي مسألة كرامة
وهوية
وتاريخ
الزمالكاوية
قدروا يتحدوا الظروف
وإحنا بنشكركم
وفي ضهركم
وفخورين بيكم
ومصدقين حلمكم
البطولة في الرحلة
والكنز في الرحلة
لقب الدوري مش بعيد
لقب أفريقيا مش بعيد
وسواء حققتم لقب .. ولا لقبين
ولا لا قدر الله ....
قلنا قبل كدا
فيه فرق بين لقب البطولة وبين البطل
وأنتم ابطال من دلوقت
فاستمروا
احنا في ضهركم
فخورين بيكم
بنحفزكم تحفيز النفوس
مش تحفيز الفلوس
لأن أنتم يا لاعبين ويا جهاز فني
بانتصاركم
هتجيبوا الفلوس للنادي في أزمته
مش منتظرين تاخدوا
عشان تثبتوا
يعني ايه ابناء بررة
يعيش رجالة الزمالك
في المدج
وفي الملعب..
وفي الادارة
وبحبك يا زمالك
