انتقد محمد الجبالي الناقد الرياضى، ابلكيشن نادى الزمالك، بسبب مينا ماهر مقدم احدى البرامج على قناة النادى.
ونشر عبر حسابه الرسمى على موقع التواصل الاجتماعى "فيس بوك":
وكتب: موضوع تاني على السريع
بخصوص الأبلكيشن " زملكاوي "
كلنا مع الفكرة وداعمين ليها لأقصى درجة ومش بنتكلم في أي حاجة فيها ديفوهات علشان لسه مازال في البث التجريبي .. ونتمنى للقائمين عليه التوفيق وكلنا مساندين لهم في أي تطوير ،،، ومنتظرين الانتهاء من كافة التعديلات الخاصة بعملية التطوير النهائية ...
ولكن ...
مع إحترامي الشديد لشخص الأخ مينا ماهر .. أنا مش مشترك في الأبلكيشن علشان أشوف مينا ماهر كل دقيقة في الفيديوهات ،، أو وهو بيغني مع الجمهور .. أنا عايز أشوف الجمهور وهو بيغني وبيهتف مش مينا ماهر .. عايز أشوف الكواليس اللي محدش يقدر يشوفها غير في الأبلكيشن ،، الكلام ده يعمله على صفحته الشخصية مش في أبلكيشن النادي ،،، هو راجل بيبذل جهد كبير ولكن لازم يكون شغله مع الأبلكيشن من وراء الكواليس مثله مثل المصورين وكل تيم العمل ،،، حضرتك بتقدملي خدمة فيها قيمة مضافة وأنا بدفع فيها فلوس مش علشان أشوف مينا ماهر كل دقيقة ،، ما لو كده هروح أشوفه على صفحته ..!!
وعلشان بس المرضى النفسيين اللي ممكن ياخدوا الكلام في سكه تانية ،، أنا كلامي هنا مهني بحت وفي أساسيات عمل لأن القيمة المضافة هنا للأبلكيشن بتكون في الحوارات واللقطات مع نجوم الزمالك .. نجوم الزمالك مش اللي شغالين في الأبلكيشن ،، أيضاً هذا الكلام ليس له أي علاقة بالخناقة اللي كانت شغاله بمين مع مينا ولا مين ضده ولا قصة مينا أهلاوي ولا زملكاوي ... ولا عايز أعرف حتى تفاصيلها لأنها متشغلنيش ..!!
