علق الناقد الرياضي صبحي عبد السلام على المشهد فى الزمالك بعد خسارة الكونفدرالية الافريقية بالأمس.
هزيمة يتحملها بالترتيب كدا مجلس الإدارة وسوء إدارته، ونوايا المجلس الداخلية، واللاعبين، والجهاز الفنى بقيادة معتمد جمال، اللى بقاله 5 ماتشات مش عارف يدير الفريق.. ولينا كلام كتير بعد نهاية الدورى.
وعبر صفحته الشخصية على موقع التواصل الاجتماعى فيس بوك كتب صبحى عبدالسلام قائلاً :
خد بقى شوية تطبيل من حاشية المجلس، المنتفعين بتوع الدعوات و"التساكر" وشلة المقصورة، بعد علقة الكونفدرالية، هتاكل صوابعك وراهم، وخد شوية سواد من المتربصين، عينك ما تشوف إلا النور.
وهتقابل هتيفه لمعتمد واللاعبين هيحسسوك ان الجماهير سبب الخسارة، وحبه فلسفة ميتافيزيقية من جماعة المحللين والفنيين الجدد، هيخلوا دماغك تلف، تعالوا بقى كلكم برابطة المعلم، نقفل الصفحة دي مؤقتا، ونأجل بالكائيات دي كلها، لحد يوم الأربع، وبعدها الحساب يجمع.
