كشف الفنان مراد مكرم عن معاناه الفريق الاول الكروى فى النادى منذ بدء انطلاق الموسم الذى انتهى بتتويج الزمالك بالدورى.
ونشر عبر صفحته الرسميه على موقع التواصل الاجتماعى "فيس بوك":
وكتب: اسمعكم بقي الحدوته
الزمالك أخد الدوري و دي بعض لقطات الحدوته
-ابتدي الموسم برحيل أهم لاعب عندك الي غريمك و مع ذلك عافرت
-اتسحب منك أرض كانت المخطط لها تدخلك فوق ال ٢٠٠ مليار جنيه علي مدار ٥ سنين و عافرت
-اضطريت تبيع أهم لاعبين عندك علشان تصرف علي الفريق و عافرت
-نافست في ٣ بطولات ب ١٥ لاعب خرجت من واحده و نافست لآخر نفس في التانيه و كسبت التالته و عافرت
-عليك ١٨ قضية غلق قيد و مع ذلك عافرت
-مافيش فرصه تشتري او تبدل اي لعيب طوال الموسم وعافرت
-اتصاب كابتن فريقك و بقيت بتلعب ب ١٤ لاعب و عافرت
-اللعيبه ما بتقبضش و مع ذلك بتعافر
ولكن بقي عنصر واحد من عناصر الكره هو نقطة قوتك دايما....جمهورك...أقوي تشجيع ،اقوي مواظبه علي حضور المبارايات ،اقوي مسانده وقت السقوط قبل النجاح،جمهور مافقدش الامل حتي آخر ثانيه،جمهور آمن ان الحلم ممكن رغم كل المشاكل و من بعديهم لعيبه و ادارة موتت نفسها في الملعب و بره الملعب.
"سمعني يا عم الحدوته ،الوايت نايتس،هنولع ناااار هنولع نار في أرضكم"
