كشف الاعلامي والناقد الرياضي خالد كلعت عن استرداد الزمالك لحقه في كل ما كان يقال عليه من النادي الأهلي سابقا.
وكتب خالد طلعت من خلال حسابه على موقع التواصل الاجتماعي فيسبوك قائلا:
قال رسول الله صلى الله عليه وسلم (لا تُظهر الشماتة بأخيك ، فيعافيه الله ويبتليك) .. صدقت يا رسول الله
- الأهلاوية اتريقوا على الزملكاوية عشان كانوا تالت الدوري ، بقى الأهلي دلوقتي هو تالت الدوري
- الأهلاوية قالوا ان بيراميدز اخد مكان الزمالك دلوقتي بيراميدز اخد مكان الأهلي هيشارك مكانه في دوري الابطال ، وكسب دوري الابطال والسوبر الافريقي بدل الأهلي ، ولعب في انتركونتينينتال وهيلعب كاس عالم للاندية مكان الأهلي
- الأهلاوية قالوا ان الزمالك حصالة مجموعته في دوري الأبطال ، بقى الأهلي حصالة مجموعته في كاس العالم للاندية
- الأهلاوية قالوا ان حراس مرمى الزمالك وخط دفاعه تعبانين وبيدخل فيهم اهداف كتير ، بقى الموضوع ده موجود بحذافيره في الأهلي الموسم ده
- الأهلاوية كانوا بيتريقوا على كاس الكونفيدرالية وانها بطولة ضعيفة وفيها فرق تعبانة ، دلوقتي الأهلي هيشارك فيها مع البط الكيني والبن الأثيوبي واللب السوري
- الأهلاوية كانوا بيقولوا ان امام عاشور مش ملتزم وبيعمل مشاكل في الزمالك ، بقى امام عاشور عندهم وبرضه فضل مش ملتزم وبيعمل مشاكل
- الأهلاوية كانوا بيقولوا ان زيزو بالونه ولاعيب عادي ومش فالح بس غير في ضربات الجزاء وأخره يلعب ويظهر في الكونفيدرالية ومش قد دوري الابطال ، دلوقتي زيزو بقى عندهم وبيتقال عليه نفس الكلام بالظبط
- الأهلاوية كانوا بيتريقوا على الزملكاوية لما كانوا بيقولوا انهم مظلومين تحكيميا وبيخسروا الدوري بالتحكيم وكانوا بيقولوا عليهم عايشين نظرية المؤامرة ، دلوقتي الأهلاوية بيقولوا انهم مظلومين تحكيميا وخسروا الدوري بالتحكيم
- الأهلاوية كانوا بيتريقوا على الزملكاوية لما كانوا بيقولوا ان لاعيبة سيراميكا سايبين الماتش للأهلي وكانوا بيقولوا ان ده مستحيل يحصل ، دلوقتي الاهلاوية نفسهم بيقولوا ان لاعيبة سيراميكا سايبين الماتش للزمالك
