علق الاعلامى خالد الغندور لاعب الزمالك السابق على الكلام الفارغ الصادر فى غلاف مجلة الأهلى.
كلام لا يتعدى كونه لجان مدفوعة، ومعروفين بالاسم يعنى، الهدف منه محاولة استفزاز جمهور الزمالك بعد الموسم الصفري للفريق الأحمر، ليعلق خالد الغندور.
وعبر صفحته الشخصية على موقع التواصل الاجتماعى فيس بوك كتب خالد الغندور معلقاً :
مجلة الأهلي اتريقت علي الزمالك و جماهيره لما ذكرت ان الدوري ال١٥ حصل عليه الأهلي سنة ١٩٧٩ و ساعتها كان كيلو اللحمة بجنيه و نص و جرام الذهب ب٥ جنيه و الدولار ب٦٩ قرش.
و بعيد عن إن ده كلام يتقال علي القهاوي مش كلام صحافة محترمة و ان ده نوع من التقليل لكن الحقيقة العكس عشان في زمن الدولار ب٥٢ جنية و كيلو اللحمة ب٧٠٠ و حرام الذهب ب٦ الاف اللي مش معاه فلوس و لا دولارات عرف يكسب اللي معاه مليارات و طلع الأول و انت طلعت الثالث و رحت الكونفدرالية اللي انت برده كنت بتتريق عليه اني مشترك فيها و بلعب مع البط الكيني.
و بدل ما تناقش اسباب اخفاقك حاولت تحفل و تضحك علي جماهيرك بكلام عيب يتقال من مجلة بقيمة و عراقة و اسم النادي الاهلي العظيم صاحب التاريخ الكبير و الشعبية الجارفة و علي العموم العيب مش عليك
